ጎርጎራ ኢኮ ሪዞርት

ጎርጎራ ኢኮ ሪዞርት

ጎርጎራ በአማራ ክልል ማዕከላዊ ጎንደር ዞን ደንቢያ ወረዳ ከባህር ዳር በጣና ሀይቅ በኩል 78 ኪሎ ሜትር፣ ከጎንደር በአዘዞ 64 ኪሎ ሜትር ርቆ በጣና ሀይቅ ሰሜናዊ ዳርቻ ይገኛል፡፡ ጎርጎራ ባህርዳርንና ጎንደርን በውሃ የሚያገናኝ ከሰሜን ተራሮች ብሔራዊ ፓርክ በቅርብ ርቀት የሚገኝ፤ ዙሪያውን በታሪካዊ ቅርሶችና ተፈጥሯዊ መስህቦች የተከበበ ስፍራ ነው፡፡ የጎርጎራ ኢኮ ሪዞርት በማዕከላዊና ሰሜናዊ የአማራ ክልል ያሉትን የቱሪስት መዳረሻዎችን በተለይም ከሰሜን ተራሮች ብሔራዊ ፓርክ እስከ ጎንደርና ባህር ዳር የሚገኙ የጣና ገዳማትን ጨምሮ፣ ጭስ ዓባይና የአባይ ወንዝ መነሻ ሰከላ ያሉትን የቱሪስት መስመሮች አስተሳስሮ የሚይዝ ነው፡፡ የገበታ ለሀገር ፕሮጀክት አካል የሆነው ጎርጎራ ኢኮ ሪዞርት ሐምሌ 7 ቀን 2016 ዓ.ም. ተመርቋል፡፡ ባህርዳርን ከጎንደር የሚያስተሳስረውና የገበታ ለሀገር ፕሮጀክት አንድ አካል የሆነው ጎርጎራ ኢኮ ሪዞርት በ40 ሔክታር መሬት ላይ አርፏል፡፡ በውስጡ ወደብና በርካታ መዝናኛ ሥፍራዎችን የያዘም ነው፡፡